مراحل
مراحل
يا دنيا مراحل
ما بين جاي غامض
و بين عمر راحل
و يرمينا بحر لشواطي
و سواحل
أمان و افتننان
ثم لام ثم هان
ثم عاد
ثم كاد انه يطوي البلاد
ثم داب في غرام العيون الكواحل

و كان و استكان و استخبّى
و بان
لما غسله الزمان م التراب اللي واحل
مراحل
مراحل

مراحل
و صبر
اللي عَبر التاريخ
مابيسيبش قلبه للحظة يشيخ
ما سدش قناية
ما طبّش جريح
ولا ركبش ريح الخيال المريح
و اهدى العسل للي عنده المناحل
مراحل
مراحل

مراحل
و جايين مراحل لذاذ
هيحلم خلالها لناسه العزاز
و يفتح شيشان الأمل و القزاز
يشم الهوا الخالي من اي جاز
و جاز او يجوز انه مره يعوز
يلوذ بالفرار وسط سرب الرواحل

و فجأة يعود
وافي كل الوعود
و الهبوط و الصعود
ينقلوه بين مراحل
مراحل

المستحيل كان ممكن امبارح

حاجتين إياك تحاول تغيرهم لصالحك مهما كانت الأسباب أو الدوافع ومهما كانت درجة قربك من شخص ما .. مشاعره تجاهك وأولويتك بالنسباله .. .. اللي مش بيبادلك نفس الشعور من نفسه مش هايحبك علشان قولتله والنبي حبني .. واللي مش شايفك على رأس قايمة أولوياته يغور هو وأولوياته .. ماتقلش من نفسك .. أبداً!!!

"واحذر أن يطوّقك الحزن فتقنط، وكأن الله ما أفرج عنك همّا قط".

أظن أن الألم هو العُملة الرسميّة التي يدفعها الإنسان ثمناً لارتقائه ونضجه في هذه الحياة..