من حلقة أضرار الذنوب والمعاصي الحلقة الـ 3 لدورة الداء والدواء للمهندس علاء حامد Alaa Hamed
م.علاء بدء الحلقة بأسئلة إبن القيم اللي إجابتها وحدة وبديهية إن أي داء وشر الإنسان فيه سببه الذنوب والمعاصي.
يقول إبن القيم - رحمه الله - هل في الدنيا شر وداء إلا بسبب الذنوب والمعاصي.
-ما الذي أخرج الأبوين - آدم وحواء - من الجنة ..
-ما الذي أخرج إبليس من ملكوت السماء ولعنه..
-ما الذي أغرق أهل الأرض كلهم - قوم نوح - حتى علىّ الماء فوق رؤوس الجبال..
..وغيرها من الأسئلة التي إجابتها واحدة وهي " الذنوب والمعاصي".
" و أقيموا الصلاة و آتوا الزكاة وأطيعوا الرسول لعلكم تُرحمون "
- إحنا عندنا الشروط دي ؟
لو الشروط دي اتوفرت فينا وعملنا بيها..يبقى كدا خلاص منقلقش كل حاجة ساهلة.
__________________________.ا
تعالى كدا ناخدها جزء جزء..
هات شخص وأسأله بتصلي والا لاء ؟
لو قالك مش بصلي أسأله مرتاح والا لاء وبالتأكيد هيقولك مش مرتاح....والمقصود بالراحة هنا...هي الراحة النفسية والجسدية والمادية وكل أنواع الراحة.
- انا عارف إن انت دلوقت بتقول طيب مانا أعرف ناس مش بتصلي ومرتاحين جدًا عادي...
دول أصلا غفلتهم دي لوحدها عقاب من ربنا ليهم..ما هو الغافل عن الحق مُعاقب... أصل هقولك حاجة بما إن هو مسلم فأكيد عارف عواقب ترك الصلاة ومتقلقش على نفسك غير لما تعمل الذنب وانت حاسس ان الموضوع بقى عادي وطبيعي وضميرك مش بيأنبك ليه... دي اسمها غفلة وكدا انت مُعاقب...ولازم تلحق نفسك.
طيب تعالى ناخد جزء الزكاة..
الزكاة من أركان الإسلام ومن العبادات المُحببة إلى الله -سبحانه وتعالى- وبالتأكيد مانع الزكاة عقابه مش ساهل.
لما قرأت شوي عن منع الزكاة لقيت ليها شروط كتيييير فمش هدخلك في تفاصيلها لكن المفروض لو عندك ما يستحق إنك تخرج عنه زكاة فـ إياك ثم إياك تمنع حق ربنا.
تعالى نشوف جزء إطاعة الرسول ﷺ
هقولك مثال بسيط كلنا نعرفه...المسلمين اللي كانوا في شدة إيمانهم والتضحية بأرواحهم في سبيل الله في غزوة أحد لمّا خالفوا أمر الرسول ﷺ ونزلو من على الجبل.. ده أدى لهزيمة المسلمين.
__________________________.ا
وفي النهاية مينفعش تطلب وعد ربنا من غير ما تنفذ الشروط الأول..
وبسكدا 🤎✨
#abd_posts
