#harran
#yalla_shala
#pinetwork
#pinetbook
#pi_coin
هو دة حظك اليوم... 😉
لأ.... دة حظك من 7000 سنة👌😉😉😍😍
ماتيجو نتكلم كلام كبير شوية... وناخد لفة بسيطة وشيقة فى علم الفلك عند المصريين القدماء ونركب المكوك الفضائى المصرى ونطلع للنجوم👌😉😍😉
إعداد الباحثة مروة أبو عامر 💞🌹💞
⭐🪐كلنا عارفين قد إيه الحضارة المصرية برعت وبشدة فى علوم الفلك ودراسة حركة الزمن والنجوم وإننا بالفعل كنا من أوائل الشعوب اللى إكتشفت الصلة القوية بين مكان وجود النجوم وصفات المولود الشخصية وإتأكدنا من كدة لما أشار المصرى القديم فى نقوشه إن مكان تجمع النجوم فى السما يوم ولادة الشخص بيأثر بالفعل على صفاته وشخصيته👌😍😍
⭐🪐ومن بعد ماعرف المصرى القديم تقسيم السنة ل12 شهر و3 فصول ومواسم رئيسية بالتساوي أصبح كمان تقسيم الأبراج السماوية عنده بالتساوى وعشان كدة ممكن على حسابات أجدادنا نلاقى مواليد شهور بتتفق صفاتهم مع مواليد شهور تانية بعيدة عنهم وبالتالى بياخد البرجين نفس الصفات👌😍😍😍
⭐🪐ومن هنا اهتمت الحضارة المصرية بدراسة وفهم الزمن ووضعت أول تقويم فلكى على كوكب الأرض بيرجع عمره لأكتر من 7000 سنة وكان التقويم دة بيعتمد على ظهور وإختفاء نجم الشعرى فى السما ومن هنا بدأ المصرى القديم يتأمل أكتر وأكتر ويكتشف الأجرام السماوية والشموس والكواكب والنجوم ويتأكد إنها آلات كونية جبارة بتظبطله إيقاع الزمن كله👌😍😍😍
⭐🪐ومع التكرار والتأمل إكتشف إن حركة الأجرام السماوية حركة دائرية فى دورات منتظمة لانهائية يعنى بمجرد ماتنتهى دورة فلكية بتبدأ غيرها علطول وإكتشف كمان إن الدورات دى منها القصيرة زى دورة الليل والنهار ودورة السنة اللى كانت 365 يوم، ومنها الدورات الطويلة زى دورة السنة الشعرية واللى كانت مدتها 1460 سنة شمسية ودورة السنة الأفلاطونية العظمى واللى كانت مدتها حوالى 25 ألف سنة شمسية 👌😮😍
⭐🪐وهنا هنتكلم عن السنة الأفلاطونية واللى إكتشف المصرى القديم إنها دورة كونية كبرى إرتبطت بما يعرف بظاهرة السبق اللى كانت بتحصل بسبب ميل محور الأرض واللى نتج عنها حركة تراجعية للأبراج وإستخلص بعد مجهود علمى طويل إن شمس كل يوم جديد بتتحرك حركة سريعة بتمر فيها على أبراج الزودياك اللى عددهم 12 برج وبترتيب أمامى بيبدأ بالحمل وبينتهى بالحوت مرورا بباقى الأبراج👌😍😍😍
⭐🪐وهنا بيأكد المهندس البلجيكى روبرت بوفال فى مؤلفاته إن المصريين أول من توصلو لمعرفة ظاهرة السبق من عصور ماقبل الأسرات وإعتبروها من العلوم السرية المقدسة واللى توارثوه الكهنة فيما بينهم على مر العصور التاريخية ومن هنا كانت العلوم الفلكية فى مصر هى أول وأقدم مادون الإنسان 👌😍😍😍
⭐🪐أشهر زودياك للأبراج السماوية فى مصر هو زودياك دندرة واللى بيعتبر علامة من علامات تقدم المصرى القديم وقد إيه كنا سابقين عصرنا ودة لأنه صور أقدم رسوم لأشكال السماء ليلا وأشكال الأبراج اللى إتقسمت فى 36 مجموعة نجمية واللى من روعته سماه علماء المصريات الخريطة السماوية الكاملة والوحيدة فى العصور القديمة👌😍😍😍
⭐🪐خدم زودياك دندرة أغراض علمية مهمة بسبب دقته الشديدة فى وصف شكل السماء وتقسيم السنة ل12 شهر و3 مواسم وتصوير الإتجاهات الأصلية بأربع نساء والإتجاهات الفرعية ب8 رجال برؤوس صقور ولكن يقع هذا الكنز فريسة للإستعمار الأوروبى ويتم خلعه عن عمد سنة 1822 من سقف المعبد ويتركب فى المكتبة الوطنية بباريس وبعدها يتنقل سنة 1922 لمتحف اللوفر بباريس👌😥😥😥
⭐🪐بس ييجى تاريخ 19 مارس 2023 ويتم الكشف عن زودياك كامل بسقف معبد إسنا بعد نجاح فريق عمل مرممى المجلس الأعلى للآثار واللى كشفو عن منظر زودياك رائع بسقف صالة الأعمدة اللى فى الناحية الجنوبية من المعبد واللى صور الأبراج بالكامل فى شكل عدد من المعبودات ومناظر كائنات مركبة من ثعابين وتماسيح وعقارب وكباش وطيور واللى بتشبه أبراجنا دلوقتى بالظبط دة غير تمثيل الكواكب الخارجية زى المشترى وزحل والمريخ👌😍😍😍
خلصت محاضرتنا الدسمة... سافرنا مع بعض لعالم من المجرات والكواكب والنجوم... حاولت أختصر على قد ماقدر من غير مأخفف المادة العلمية عشان تستفيدو بالمختصر المفيد👌🌹💞🌹
أسيبكو مع الصور وإكتشفو برجكو كان إيه زمان😉🥰😍
©️جميع الحقوق محفوظة للباحثة مروة أبو عامر 🌹
دليل مصر التاريخي 🇪🇬🇪🇬
+16
